Baron Geisler handang labanan si Kiko Matos sa isang MMA Fight Night

- Baron Geisler handang labanan si Kiko Matos sa isang MMA Fight Night.

Isa sa mga pinag-uusapan at pinaka-kontrobersyal na mga actor sa ngayon ay sina Baron Geisler at Kiko Matos, ito ay hindi dahil sa husay nila bilang mga actor kundi sa walang tigil nilang iringan na nagmula sa away sa isang bar hanggang sa umabot sa kani-kanilang mga social media at ngayon ay hamunan na para maglaban sila sa loob ng MMA ring.

O diba talaga nga namang kakaiba ang mga actor na ito, kailan ba kayo nakarinig ng mga actor na nagkaroon ng iringan at pinaabot pa na kung saan nagmukha na silang mga hindi propesyunal na mga tao.

Sa isang facebook post ngayong  Martes, May 31, kinumpirma ng MMA company na nakabase dito sa Pilipinas na sumagot na sa kanila si Geisler para magkaroon ng laban at mukhang interesado daw ito talaga na makaharap si Matos sa URCC “Fight Night Card” na gaganapin sa The Palace Pool Club sa Taguig City.

“Baron Geisler just contacted our matchmaker over the phone and says that he wants to settle everything with Kiko Matos inside the cage on URCC Fight Night this coming June 25, 2016 at the Palace Pool Club,” ayon sa post ng URCC

Sa kabilang banda naman, patuloy ang pagsasalita ni Matos laban kay Geisler “Baron Geisler, mahal mo ako? Kiss kita. Sige, kahit saan. Anytime, anywhere, I’ll be there,” ito ay ayon sa isang interview kay Matos ng Aksyon TV.